17 C
Shymkent
Сәуір 17, 2021
Денсаулық

Бақытжан Сағынтаев: Коронавирустың үшінші толқыны басталды

KAZUS.KZ. Алматыда коронавирустың үшінші толқыны басталды. Бұл туралы Бақытжан Сағынтаев «Алматы» телеарнасындағы Аkimat Live бағдарламасында айтты, деп хабарлайды ҚазАқпарат.

«Былтырғы жылмен салыстырғанда жағдай күрделі. Кеше коронавирус 450 адамнан анықталса, бүгін 510-ы тіркелді. Бұл жаңа штамның пайда болуынан өсіп отыр. Қалалықтар жағдайды түсіну керек. Барлық санитарлық норманы сақтау қажет. Соңғы кезде адамдар маска тақпайтын болды. Бұл вирус жақын арада кетпейді, оны бәріміз білеміз және түсінеміз. Вирус бізбен қалады. Толықтай вакцина алып, ұжымдық иммунит қалыптастыру керек»,-дейді әкім.

Оның айтуынша, қалада коронавирустың үшінші толқыны басталды. Алайда, халық әлі де сенбейді.

«Адам өз басына тимейінше сенбейді. Маған қатысы жоқ деп ойлайды. Сондықтан маска тақпайды. Былтырмен салыстырғанда жағдай екі есе күрделі. Бірақ, өткен жылмен салыстырғанда денсаулық сақтау саласындағы жағдай жақсы. Біз үш жаңа инфекциялық аурухана салдық. Қазір он алты аурухана өкпені жасанды тыныс алу аппаратымен қамтамасыз етілді. Қазір әр палатада әр төсектің жанында тұр. Дәрі-дәрмек жеткілікті. Ең бастысы әр тұрғын, отбасын, туған-туысын сақтау керек»,- дейді Бақытжан Сағынтаев.

Ұқсас жаңалықтар

Шымкентте өткен туәлікте COVID-19 жұқтыру жағдайы тіркелмеді

admin

Іштің үнемі желденуі – қатерлі дерттің белгісі

admin

Қазақстанда салынып жатқан вакцинаның бағасы белгілі болды

admin