5 C
Shymkent
Қараша 26, 2020
Саясат

30 жастағы жігіт «Басқарма басшысы» қызметіне жайғасты

Шымкент қаласы әкімінің өкімімен Әсет Маратұлы Әбдіраханов қалалық цифрландыру басқармасының басшысы болып тағайындалды – деп хабарлайды Kazus.kz ақпараттық порталы.

Әсет Маратұлы 1990 жылы Оңтүстік Қазақстан облысында дүниеге келген. Мамандығы – экономика және құқық бакалавры, урбан инжиниринг магистрі. Сондай-ақ, «Болашақ» бағдарламасымен Манчестер университетінде білім алған.

Қызмет жолы 2010-2012 жылы «Вертикаль-Т» ЖШС-де маркетинг маманы болудан басталған. 2012 жылы «Шымкент Октан» ЖШС мұнай өнімдерін қабылдау цехы бастығының орынбасары болған. 2012-2013 жылдары Астана қаласында ҚР Көлік және коммуникация министрлігі Халықаралық ынтымақтастық департаменті Екіжақты ынтымақтастық басқармасы сарапшысының міндетін атқарушы, кейіннен сарапшысы болып қызмет атқарған.

2013-2014 жылдары ҚР Көлік және коммуникация министрлігі Халықаралық ынтымақтастық департаменті Халықаралық ұйымдар басқармасының сарапшы, 2014-2015 жылдары ҚР Инвестициялар және даму министрлігі Активтерді басқару департаменті Мемлекеттік заңды тұлғалармен жұмыс басқармасының сарапшысы, кейіннен бас сарапшысы болған.

Сонымен қатар, Әсет Әбдіраханов 2015-2017 жылдары Шымкент қаласы кәсіпкерлік бөлімі басшысының орынбасары, 2017-2018 жылдар аралығында Шымкент қаласы кәсіпкерлік бөлімінің басшысы лауазымын атқарған. 2018-2019 жылдары Шымкент қаласының кәсіпкерлік және индустриалды-инновациялық даму басқармасы басшысының міндетін атқарған.

2019 жылдан бүгінгі күнге дейін Шымкент қаласының кәсіпкерлік және индустриалды-инновациялық даму басқармасы басшысының орынбасары болып жұмыс жасаған.

Ұқсас жаңалықтар

Қазақстанда Сенат депутаттары сайланады

admin

Президент Жолдауын жүзеге асыру үшін шамамен 2 трлн теңге қаражат қажет

admin

Түркия қорғаныс министрінің Қазақстанға келуінің себебі белгілі болды

admin

Пікір қалдыру