9 C
Shymkent
Қараша 26, 2020
Әлемде

Түркиядағы жер сілкінісі: үш жасар қыз 90 сағат бойы үйінді астында жатқан

жер сілкінісі

© Reuters

KAZUS.KZ. Түркияның Измир қаласындағы жер сілкінісі кезінде үйінді астында төрт күн бойы жатқан үш жасар қыз құтқарылды, – деп хабарлайды tengrinews.kz «Анадолу».

Айда Гезгин есімді қыз үйінді астында 90 сағаттан аса уақыт жатқан. Ол кір жуғыш машинаның жанында қыстырылып қалған. 

«Алдымен мен оның даусын естідім де басқа құтқарушыларға хабарладым. Оған жақындай келе есімін сұрап, құл бұлғауын өтіндім. Ол қолын көтерді», – дейді Нусрет Аксой есімді құтқарушы. 

Айда Измирде үйінді астынан құтқарылған 109-шы адам. Дәрігердің айтуынша, оның жағдайы қанағаттанарлық. 

«Айда өзін жақсы сезінеді, қазір оған томография жасалады. Үйінді астында қалып қойған анасын әлі де іздестіріп жатырмыз. Құтқарушылардың айтуынша, ол Айда жатқан маңайда болуы мүмкін. Оқиға анасы жуыну бөлмесінде жүрген кезде болған сияқты. Екі сағаттан кейін оларға хабарласа алғанымызбен артынша ұялы телефоны сөніп қалды», – дейді Айданың ағасы Аныл Джандан.

Еске салайық, 30 қазанда Түркияда 6.6 балдық жер сілкінісі болды. Эпицентр – Измир провинциясының Сеферихисар қаласы. Соңғы мәліметтер бойынша, табиғи апат салдарынан 76 адам қаза тапқан. Көптеген адам баспанасыз қалған. Жер сілкінісі салдарынан Измирдегі 20-дан аса ғимарат зардап шеккен. 

Ұқсас жаңалықтар

Адамдардың әр басқан қадамына – ақша төленеді: Өзбекстанда жаңа бастама қолға алынды

admin

30 жастағы әйел 4 баласын тұншықтырып өлтірген

admin

Кончита Вурст атымен танымал әнші жұртты қайта таңғалдырды

admin

Пікір қалдыру