4.8 C
Нью-Йорк
03.12.2022
Басты жаңалық

Сайлау: ОСК Мейрам Қажыкен мемлекеттік тілді еркін меңгерген деген шешім қабылдады

Орталық сайлау комиссиясының лингвистика комиссиясы ҚР президенттігіне «Аманат» кәсіподақтар достастығынан кандидат Мейрам Қажыкен «мемлекеттік тілді еркін меңгерген» деген шешім қабылдады, деп хабарлайды ҚазАқпарат.

ҚР Орталық сайлау комиссиясында Мейрам Зекешұлы Қажыкеннің мемлекеттік тілді еркін меңгергендігін анықтау бойынша лингвистика комиссиясының отырысы өтті.

Лингвистика емтиханы барлық үш кезең бойынша өтті. Атап айтсақ, тақырыпқа сай жазбаша тапсырма орындау, мәтін оқу және кандидат таңдаған тақырып бойынша көпшілік алдында кемінде он бес минут сөз сөйлеу сынағын тапсырды.

«Емтихан аяқталған соң комиссия талқылау өткізіп, қорытындылады. Отырыстың қорытындысын лингвистика комиссиясының төрағасы, филология ғылымдарының докторы, профессор Әділ Құрманжанұлы Ахметов баяндады.

Кандидаттың жазба жұмысы «Қазіргі заманғы жаһандық мәселелер» тақырыбында болды. Жазба жұмысы мазмұны, стилі, емлесі, тыныс белгілері бойынша бағаланды. Кандидат берілген уақытты толық пайдаланды.

Екінші тапсырма бойынша Мұхтар Әуезовтің «Абай жолы» эпопеясынан үзіндіні оқыды. Үшінші тапсырма бойынша «Ырыс алды – ынтымақ» тақырыбына өз ойын 15 минут көлемінде баяндады.

Емтихан қорытындысы бойынша лингвистика комиссиясы Қазақстан Республикасының президенттігіне кандидат Мейрам Зекешұлы Қажыкеннің мемлекеттік тілді еркін меңгергендігі туралы ашық дауыспен шешім қабылдады», -деп жазады ОСК ресми сайты.Еске салайық, М.Қажыкен бүгін ОСК-да емтихан тапсырып жатқанын жазған болатынбыз.

Сондай-ақ бүгін Орталық сайлау комиссиясы халықтық коалиция атынан президенттікке ұсынылған Қасым-Жомарт Тоқаевтың кандидатурасын талаптарға сай деп шешім қабылдады. Сонымен қатар Қ.Тоқаев лингвистика комиссиясында неліктен емтихан тапсырмайтынын түсіндірді.

Related posts

Прокурор бұрынғы министр Біртановты 6 жылға бас бостандығынан айыруды сұрады

Admin

АРЫСТА МҮГЕДЕКТІГІ БАР ЖАНДАРҒА ДАУЫС БЕРУ ҮШІН ЕРЕКШЕ ЖАҒДАЙ ЖАСАЛҒАН

Admin

Шымкенттегі жарылыстан зардап шеккендердің жағдайы қалай

Admin

Абай облысының орталығы Семей қаласы атанды

Admin

Ажырасқандар неге «Бақытты отбасы» бағдарламасына қатыса алмайды?

Admin

Тоқаев Ильхам Әлиевпен кездесті

Admin